malak
عضو هيولع لنا فيها
عدد المساهمات : 156
تاريخ التسجيل : 07/09/2009
 | موضوع: * (( عشان انتا مصري )) * للكاتب / أحمد فؤاد نجم  الثلاثاء سبتمبر 15, 2009 3:34 am | |
| (( عشان انتا مصري))
رائعة من روائع الكاتب أحمد فؤاد نجم
يارب تعجبكوو
عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف | |
|
m.eldabey
عضو هيولع لنا فيها
عدد المساهمات : 247
تاريخ التسجيل : 21/06/2009
العمر : 34
الموقع : www.ismailyonline.com
| | موضوع: رد: * (( عشان انتا مصري )) * للكاتب / أحمد فؤاد نجم الثلاثاء سبتمبر 15, 2009 4:14 am | |
| لا قصيدة معبرة جدا ميرسى ليكى اوى ياملك  | |
|
knight night
Admin
عدد المساهمات : 353
تاريخ التسجيل : 13/06/2009
| | موضوع: رد: * (( عشان انتا مصري )) * للكاتب / أحمد فؤاد نجم السبت سبتمبر 19, 2009 6:48 pm | |
| تماموز يا ملوكة بس طلع عينى على اشتهجيت حروفها  | |
|
malak
عضو هيولع لنا فيها
عدد المساهمات : 156
تاريخ التسجيل : 07/09/2009
| | موضوع: رد: * (( عشان انتا مصري )) * للكاتب / أحمد فؤاد نجم الأحد سبتمبر 20, 2009 4:49 am | |
| ميرسي يا جماعة
شكرا لمروركم | |
|
